කැස්ස යනු අප සියල්ලන්ටම පාහේ සාමාන්‍ය දෙයක් වී ඇති අතර, කිසිවෙකුත් ඒ පිලිබඳව වැඩි සැලකිල්ලක් නොදක්වයි. ශරීරයෙන් ආසාදන ඉවත් කිරීමේදී කැස්ස හොඳ වුවද, අඛණ්ඩ කැස්සක් කිසිසේත්ම ප්‍රසන්න අත්දැකීමක් නොවේ. එය කරදරකාරී හා වෙහෙසකරයි. කැස්සක් ඇතිවිය හැකි හේතුව ඔබ දැනගත් පසු, ඔබට පහසුවෙන් එයට පිළියම් යොදා ගත හැකිය. හේතුව ආසාත්මිකතාවයක්, ආසාදනයක් හෝ ඇසිඩ් පරාවර්තනයක් විය හැකියි, ඒ ඕනෑම දෙයක් පරාජය කිරීමට ස්වාභාවික පිළියම් තිබේ.

මී පැණි

අපේ පුරාණ ජනයා උගුරේ අමාරුව සඳහා කාලෝචිත ප්රතිකාරයක් ලෙස මී පැණි භාවිතා කළහ. උගුරේ අමාරුව සඳහා පමණක් නොව, මී පැණි කැස්ස සඳහාද ඉක්මන් සහනය ගෙන දෙයි. බටහිර ඖෂධ ක්රියාවලියේදී, කැස්ස මැඩපැවැත්වීම සඳහා වෛද්යවරු ඩෙක්ස්ට්රොමෙතෝෆාන් (ඪ්M) අඩංගු ප්රතිකාර අනුගමනය කරති. නමුත්, මෙම ප්රති කර්ම වල අතුරු ආබාධ ද වාර්තා වී ඇත. ඉක්මන් සහන දෙන, ස්වාභාවික ප්රතිකර්මයන් තිබෙන විට දීත්, එවැනි කෘතිම සහනයන් වෙත ඔබ යන්නේ ඇයි?

වෛද්‍යවරයෙකු වෙත නොගොස් ඔබට අත්හදා බැලිය හැකි දෙයක් මෙන්න.  ඖෂධීය තේ එකක් පිළියෙළ කරන්න (නැතිනම් ලෙමන් උණුසුම් ජලය සමග මිශ්‍ර කිරීම ද හොඳ වනු ඇත) මී පැණි තේ හැඳි 2 ක් එකතු කරන්න. මී පැණි කැස්ස සුව කිරීමට සමත් වේ. මෙම ක්‍රියාවලිය ඔබට සංකීර්ණ යැයි පෙනේ නම්, කරදර නොවන්න - ඔබ සමඟ නිවාරන් කැස්ස පැණිය තබා ගන්න. කැස්සෙන් මිදීමට ඔබට උපකාරී වන සියලුම ප්‍රයෝජනවත් අමුද්‍රව්‍ය එහි අඩංගු වේ.

ඉඟුරු

ඔබට වැළඳී ඇත්තේ වියළි කැස්සක් හෝ ඇදුම රෝගයක් නම්, ඔබට ඉඟුරු වලට වඩා හොඳ පිළියමක් නැත. මෙම වටිනා අමුද්‍රව්‍යය අධික කැස්ස නිසා ඇතිවන වේදනාව සමනය කිරීමටද උපකාරී වේ. අද වෙළඳපොලේ ඉඟුරු පහසුවෙන් සොයාගත හැකිය, එබැවින් ඔබට කැස්සක් හෝ උණක් පිළිබඳ කිසිදු සලකුණක් නොතිබුණද ඒවා ඔබ සමඟ තබා ගැනීම සැමවිටම බුද්ධිමත් ක්‍රියාවකි.

ඔබ ඉඟුරු ග්‍රෑම් 20-40ක් උණු වතුර කෝප්පයකට දමා මෙම ඉඟුරු තේ හොඳින් මිශ්‍ර වීමට ඉඩ හැරීමෙන් පසුව පානය කළ යුතුය. සුව කිරීමේ බලපෑම මෙන්ම රසය ද වැඩි කර ගැනීමට අවශ්‍ය නම්, ඔබට මී පැණි සහ ලෙමන් යුෂ ද එකතු කළ හැකිය.

ලුණු වතුර

කැස්සකින් ඔබ පීඩා විඳිනවා නම් ඔබට ලුණු වතුර අනිවාර්යෙන්ම සහනයක් සලසාවි. උගුරේ අමාරුව සඳහා ලුණු වතුර විශිෂ්ටයි. පුරාණ කාලයේ සිටම, ලුණු ජලය සෙම් රෝග අඩු කිරීම සඳහා ඵලදායී විසඳුම් ලබා දෙන බවට විශ්වාස කරන අතර, උගුරේ අමාරුව සහ කැස්ස ඉවත් කිරීමට හේතුව මෙයයි.

ඔබ කළ යුත්තේ උණුසුම් ජලය වීදුරුවකට ලුණු තේ හැන්දක භාගයක් පමණ කලවම් කර එය හොඳින් මිශ්‍ර වන තෙක් බලා සිටීමයි. ඉන්පසු ඔබට අවශ්‍ය තරම් කකාරන්න (ගර්ග්ලේ. මෙය දිනකට කිහිප වතාවක් කරන්න, එවිට ඔබට සහනයක් දැනෙනු ඇත.

එහෙත්, ළමයින් සමඟ මෙය උත්සාහ නොකරන්න, මන්ද ඔවුන් ගර්ග්ලෙ කිරීම යනු කුමක්දැයි නොදන්නා නිසා, ලුණු වතුර ගිල දැමිය හැකි නිසා ය.